FORMA Kòrsou

Proyekto ForMa, ku ta nifiká “Formashon di Mamanan,” ta diseñá pa mitigá pobresa bou di mamanan entre 17 pa 40 aña dor di empoderá nan pa medio di tayernan edukativo i práktiko, "coaching" individual i grupo di sosten.

E ophetivo prinsipal di e proyekto, ku tin un durashon di 6 luna, ta yuda partisipantenan desaroyá nan mes riba diferente aria, sigurá oportunidatnan di entrada, i mehorá nan imáhen propio.

Ku e hèrmèntnan aki, partisipantenan lo desaroyá outosufisiensia a largu plaso i kibra e siklo di pobresa pa nan famia.
Tayernan ta inkluí temanan manera: kuido personal, solisitá ku éksito, balor propio, di talento pa negoshi, salú mental i físiko, maneho di finansa,

komunikashon mayor i yu, arte, beyesa i mas.

Mas Informashon:

Kordinadó Proyekto ForMa Kòrsou

Eunice de Palm-Doran

524-4687